RSS

You can replace this text by going to "Layout" and then "Page Elements" section. Edit " About "

ஆத்மாசாந்திக்காய்....


பூமியிலே பூத்த புனித
புஷ்பமாய் திகழ்ந்தவளே  நீ
பாதியிலே எமைப் பிரிந்து சென்றதனால்
பதறுதம்மா எம் உள்ளமெல்லாம்...

உதட்டினிலே புன்னகையும்
உள்ளத்தில் உண்மையன்புடனும்
உரிமையுடன் எமை அழைத்து
உபசரிக்கும் உமை  இனி
ஊரில் காணமுடியாமையை எண்ணி
உள்ளம் கலங்குதம்மா....

கண்மூடி முழிக்கும் கணப்பொழுதில்
காலனவன் உன்னுயிர் பாரித்ததினால்
கதிகலங்கி நிற்குதம்மா உன் குடும்பம்..

அன்பான உன் கனவனுடன் முத்தான்
மூன்று புதல்வர்களும் தம்
ஆரூயிர் அன்னை உனை இழந்து
அழறும் சத்தம் உம் காதில் விழவில்லையா....

உடன் பிறப்புக்களுடன்
உறவுகளும் கூடிடவே உன் பிரிவால்
ஊரே குமுறும் இறுதிவேலையில் கூட
உன் முகம் பார்க்க முடியாமையால்
உள்ளம் கலங்கிறது புஷ்பாமச்சளே ...

குமுறும் எங்கள் இதயங்களுக்கும் உம்
குடும்பத்துக்கும் வார்த்தைகளால்
ஆறுதல் சொல்ல முடியாவில்லையானாலும்
உங்கள் ஆத்மா சாந்தியடைய
ஆண்டவனைப் பிரார்த்திப்போப்...

ஓம் சாந்தி சாந்தி சாந்தி..

  • Digg
  • Del.icio.us
  • StumbleUpon
  • Reddit
  • RSS

தந்தையார் தின வாழ்த்துக்கள்.....


நாம் தழைக்கவென
தன் தலைமுறையை தனதாக்கி
தன் மார்பில் எமைத் தாங்கி
வளர்திட்ட அன்பு உருவே எம் தந்தை

எடுத்தடி எடுத்து வைக்கையிலும்
ஏடுடெடுத்து படிக்கையிலும்
எம்ருகே தானிருந்து
தன் வலியாய் தாங்கிட்டார்
எம் வலிகள் அத்தனையும்

முதல் எழுத்துடனே உறவின்
முகவரி அளித்து அன்பின்உருவாய்
ஆசானுமாய் அரவணைத்தே
அகிலமதில் அடி எடுத்து வைக்க
அரண்மனை அமைந்த அன்புருவே

இவ்வூலகில் இன்னல்கள் பல தாண்டி
இணையற்ற அன்பளித்தே
இரவு பகல் எமை சுமந்த தந்தையே
உமை உலக தந்தையார் தினம்
இன்றல்ல என்றொன்றும் நாம்
உளமார வணங்கி வாழ்ந்திடுவோம்....

  • Digg
  • Del.icio.us
  • StumbleUpon
  • Reddit
  • RSS



வண்ண வண்ண மலர்களெல்லாம்
அலங்கரிக்கும் சொந்தமதில்
உள்ளப் பாசமலராய் - நீங்கள்
உதித்திட்ட  இந் நன்நாளில்...

புதுவசந்தம் வீசிடவே
புறப்படும் முயற்ச்சி எல்லாம்
பூந்தென்றலுடன் இனைந்தே
புன்னகையை கொடுத்திடவும்...

இளமைக்கால தென்றலுடன்
இன்னிசையும் கலந்தே தினம்
இன்பமே உறவாக பொழுதெல்லாம்
இல்லமதில் இதம் வீச....

அன்பின் அருவுருவாய்
அன்னையின் உடன் பிறப்பாய்
அகிலமிதை அலங்கரிக்க - நீங்கள்
அவதாரித்து அகவை அறுபத்தைந்தை
அடைந்திட்ட  இன் நன்நாளில்
அகம் மகிழ்ந்தே நாமும்
அன்புடனே வாழ்த்துகின்றோம்....






  • Digg
  • Del.icio.us
  • StumbleUpon
  • Reddit
  • RSS


  • Digg
  • Del.icio.us
  • StumbleUpon
  • Reddit
  • RSS

பிறந்தநாள் வாழ்த்துக்கள்.....


வானத்துச் சூரியானாய்
வண்ணமலர் ஓவியமாய்
புன்னகை சிந்தியே
பூமிக்கு வந்துதித்திட்ட
புத்தம் புதுமலரே...

நல் எண்ணங்கள் எல்லாம்
பல வண்ணங்களாக  உன்
வாழ்வை அலங்கரிக்க....

குழ்ந்தையாய் வந்துதித்து
குவளயத்தில் குதுகலித்திட்ட - இன்னாளில்
குலம் மகிழ்ந்து கூடி   உனை
உளமற வாழ்த்துகிறோம்
வாழ்க வாழ்க .............


  • Digg
  • Del.icio.us
  • StumbleUpon
  • Reddit
  • RSS

குடும்பமதில்....


தாய் மடியில் தாலாட்டு

ஆறாத அறுசுவைகள்  
தந்தையின் செல்லம் என்ற  
அன்பான அரவணைப்பு.!

உடன் பிறப்புக்களுடனான
கூடலுடனான ஊடலிலே - சிலநேரம் 
சின்னதாய் ஒரு சண்டை
செல்லமாய் ஒருகோவம்
அன்புகலந்த கண்டிப்புக்கள்  என

ஆயிரம் ஆயிரம் ஆனந்தம் தினம்..!

அனைவரின் கருத்தையும்
அன்புடன் அகத்தில் கொண்டு

வரவுக்கு மிஞ்சாத செலவாய்
வாழ்க்கையைக் கொண்டு சென்று
நிறைவோடு வாழனும் இவையே 

குடும்பம்  என்னும் பல்கலையில் - நாம் 
கற்றுக்கொள்ளும் பாடங்கள்.

 குலவிளக்காம் குடும்பமதில்
அன்பென்னும் எண்ணெய்ஊற்றி
அறிவென்னும் ஒளியேற்றி
உறவுகளின் அரவணைப்பில் சங்கமமாய் 

ஆல்போல் விழுதுவிட்டு
அறுகுபோல் வேரூண்டி
வாழையடி வாழையாக
வம்சங்கள் தலைத்திடனும்........


  • Digg
  • Del.icio.us
  • StumbleUpon
  • Reddit
  • RSS