எதிர்பார்ப்பு

அன்பு அது அகத்தில் பெருக
அகம்பாவம் ஒழிந்ததினால்
விட்டுக் கொடுப்புக்கு
கட்டுப்பாடு சிறிதும் இன்றி
தாராளமாய் கிடைக்கிங்கு

வஞ்சமில்ல நெஞ்சமதில்
கஞ்சமில்லா அன்புதனை
பஞ்சமின்றி பொழித்ததினால்
வஞ்சி அவள் வாழ்வில் - என்றும்
தஞ்சம் நீ எனவே
நெஞ்சில் தலை சாய்த்தாள்

பாசத்தால் அரன் அமைத்து
புரிந்துணர்வால் காவல் செய்து
ஈருடல் ஓர் உயிராய் - இங்கு
உருவாக்கிய உயர் இராச்சியத்தால்
வெற்றி வாகை சூடினாள்
வாழ்க்கை என்னும் இலட்சியத்தில்.....