எதிர்பார்ப்பு

அகிலமதை அலங்கரிக்கும்
ஆதவனுக்கு அணைவரும் கூடி
அகம் மகிழ்ந்து அன்புடனே
நன்றி செலுத்தும் இன் இனிய
நன் நாளிலே அவதாரித்த எம்
அன்பு மாமாவை வாழ்த்துகின்றோம்...

உலகுக்கு ஓளி கொடுக்க தினம்
ஓயாமல் உழைக்கும்
வானத்துச் சூரியன் போல்
வையத்தில் எம் வாழ்வு சிறக்க
ஓயாமல் உழைக்கின்ற எம்
அன்பு தந்தையை வழ்த்துகின்றோம்...

படிக்கற்கள் பல தாண்டி
பாரினிலே நாம் சிறக்க
பாசத்தின் உறைவிடமாய் இருப்பவரே
பரந்த இப் பூமி கூட போதுதில்லை உங்கள்
பாசத்திற்க்கு எல்லை சொல்ல எம்
அன்பு தாத்தாவை வழ்த்துகின்றோம்...

நாம் வாழும் காலமெல்லாம்
வளமுடனே எம்மருகே
எந்நாளும் நீங்கள் இருக்க
நாளும் நாம் நலம் வாழ - நீங்கள்
தினம் அழைக்கும் ஆண்டவனை
நாமும் அழைத்தே வரம் வேண்டி
இனிய நல்நாளில் வாழ்த்துகின்றோம்..

பூமியிலே பூத்த புனித
புஷ்பமாய் திகழ்ந்தவளே  நீ
பாதியிலே எமைப் பிரிந்து சென்றதனால்
பதறுதம்மா எம் உள்ளமெல்லாம்...

உதட்டினிலே புன்னகையும்
உள்ளத்தில் உண்மையன்புடனும்
உரிமையுடன் எமை அழைத்து
உபசரிக்கும் உமை  இனி
ஊரில் காணமுடியாமையை எண்ணி
உள்ளம் கலங்குதம்மா....

கண்மூடி முழிக்கும் கணப்பொழுதில்
காலனவன் உன்னுயிர் பாரித்ததினால்
கதிகலங்கி நிற்குதம்மா உன் குடும்பம்..

அன்பான உன் கனவனுடன் முத்தான்
மூன்று புதல்வர்களும் தம்
ஆரூயிர் அன்னை உனை இழந்து
அழறும் சத்தம் உம் காதில் விழவில்லையா....

உடன் பிறப்புக்களுடன்
உறவுகளும் கூடிடவே உன் பிரிவால்
ஊரே குமுறும் இறுதிவேலையில் கூட
உன் முகம் பார்க்க முடியாமையால்
உள்ளம் கலங்கிறது புஷ்பாமச்சளே ...

குமுறும் எங்கள் இதயங்களுக்கும் உம்
குடும்பத்துக்கும் வார்த்தைகளால்
ஆறுதல் சொல்ல முடியாவில்லையானாலும்
உங்கள் ஆத்மா சாந்தியடைய
ஆண்டவனைப் பிரார்த்திப்போப்...

ஓம் சாந்தி சாந்தி சாந்தி..

நாம் தழைக்கவென
தன் தலைமுறையை தனதாக்கி
தன் மார்பில் எமைத் தாங்கி
வளர்திட்ட அன்பு உருவே எம் தந்தை

எடுத்தடி எடுத்து வைக்கையிலும்
ஏடுடெடுத்து படிக்கையிலும்
எம்ருகே தானிருந்து
தன் வலியாய் தாங்கிட்டார்
எம் வலிகள் அத்தனையும்

முதல் எழுத்துடனே உறவின்
முகவரி அளித்து அன்பின்உருவாய்
ஆசானுமாய் அரவணைத்தே
அகிலமதில் அடி எடுத்து வைக்க
அரண்மனை அமைந்த அன்புருவே

இவ்வூலகில் இன்னல்கள் பல தாண்டி
இணையற்ற அன்பளித்தே
இரவு பகல் எமை சுமந்த தந்தையே
உமை உலக தந்தையார் தினம்
இன்றல்ல என்றொன்றும் நாம்
உளமார வணங்கி வாழ்ந்திடுவோம்....

வண்ண வண்ண மலர்களெல்லாம்
அலங்கரிக்கும் சொந்தமதில்
உள்ளப் பாசமலராய் - நீங்கள்
உதித்திட்ட  இந் நன்நாளில்...

புதுவசந்தம் வீசிடவே
புறப்படும் முயற்ச்சி எல்லாம்
பூந்தென்றலுடன் இனைந்தே
புன்னகையை கொடுத்திடவும்...

இளமைக்கால தென்றலுடன்
இன்னிசையும் கலந்தே தினம்
இன்பமே உறவாக பொழுதெல்லாம்
இல்லமதில் இதம் வீச....

அன்பின் அருவுருவாய்
அன்னையின் உடன் பிறப்பாய்
அகிலமிதை அலங்கரிக்க - நீங்கள்
அவதாரித்து அகவை அறுபத்தைந்தை
அடைந்திட்ட  இன் நன்நாளில்
அகம் மகிழ்ந்தே நாமும்
அன்புடனே வாழ்த்துகின்றோம்....