எதிர்பார்ப்பு

தாய் மடியில் தாலாட்டு
ஆறாத அறுசுவைகள்  
தந்தையின் செல்லம் என்ற  
அன்பான அரவணைப்பு.!

உடன் பிறப்புக்களுடனான
கூடலுடனான ஊடலிலே - சிலநேரம் 
சின்னதாய் ஒரு சண்டை
செல்லமாய் ஒருகோவம்
அன்புகலந்த கண்டிப்புக்கள்  என
ஆயிரம் ஆயிரம் ஆனந்தம் தினம்..!

அனைவரின் கருத்தையும்
அன்புடன் அகத்தில் கொண்டு
வரவுக்கு மிஞ்சாத செலவாய்
வாழ்க்கையைக் கொண்டு சென்று
நிறைவோடு வாழனும் இவையே 
குடும்பம்  என்னும் பல்கலையில் - நாம் 
கற்றுக்கொள்ளும் பாடங்கள்.

 குலவிளக்காம் குடும்பமதில்
அன்பென்னும் எண்ணெய்ஊற்றி
அறிவென்னும் ஒளியேற்றி
உறவுகளின் அரவணைப்பில் சங்கமமாய் 
ஆல்போல் விழுதுவிட்டு
அறுகுபோல் வேரூண்டி
வாழையடி வாழையாக
வம்சங்கள் தலைத்திடனும்........

தீப ஓளியிலே இல்லம் ஓளிபெற
தீமைகள் நீங்கி உள்ளம் ஓளிபெற
தீராத தொல்லைகள் எல்லாம் நீங்கி -  நல்
தீர்வு பெற்று எம் வையம் வாழனும் எந்நாளும்...

வீண் விவாதங்களால் எழும்
விரிசல்கள் தவிர்ப்போம் எம்மிடையே
இனிமையாய் பேசியே இதயங்களோடு
இன்பமாய் வாழ்வோம் எந்நாளும்...

இந்நாள் மலரும் திருநாள் போல்
எந்நாளும் திகழ்ந்திடவே -  நானும்
எம்பெருமான் அருள்வேண்டி வாழ்த்திகிறேன்
இனிய தீபத்திருநாள் நல் வாழ்த்துக்கள்...

அந்நியா நாட்டிலே
அடைக்களம் புகுந்த இவள்
அறிந்து கொண்ட ஓர் - புது
அனுபவம் இது........

வசதிகள் பலவுடனே
வகை வகையாய் வைத்தியம்
தனித்திருந்தாதனால்  - நானும்
தவிந்து விட்டேன் தனிமையிலே...

வலியாலே உடல் துடிக்க
மொழி புரியாது முழிமுழிக்க
ஆதாரவாய் என்னை நானே
அரவனைத்தேன் அன்புடனே - என்
அருகில் யாருமில்லா வேளைகளில்...

நோய் எதிர்ப்பு உனக்கில்லையென
தாய்வீட்டில் தனிக் கவலையெழ
காய் கறிகள் மட்டும் உண்ட  இவள்
வாய்  மருந்து என இன்று
எதை எதையோ உண்கிறதே....

உதிரம் எடுக்கையிலும்
ஊசி கையில் போடுகையிலும் இரவில்
உறக்கமின்றி தவிக்கையிலும்
உதிரும் கண்ணீருடனே ஊர் நினைவுகளும்
உருண்டோடியே கரைந்தன
கடந்த சில நாட்களாய் வைத்தியசாலையில்.....

கண்முடி முழிக்கும்
கனப்பொழுதில் காலனவன் - தன்
பாசக்கயிற்றை வீசியதால்
பறிபோனது அவள் தாலிக்கயிறு மட்டுமா
பரிதவிக்குதே வழிதெரியாது அக்குடும்பமே...

மஞ்சள் குங்குமத்தினை இழந்து - அவள்
பிஞ்சுமனம் இரண்டை கையில் சுமந்து
பஞ்சத்தில் வாடுகிறாள் -  நீ
கொஞ்சத் தூரம் செல்ல முன்னே- பார்க்க
நெஞ்சம் குமுறுதையா இன்நிலையை...

மின்னல் என வாழ்வைக் கொடுத்து
இன்னல்கள் பல விளைவித்து
சின்ன வண்ணக் கோலம் போட்டு
எண்ணம் போல எடுத்தடி வைக்கையிலே
இறைவா இடையில் பறித்தது ஏனோ....

குமுறும் அவள் இதயத்துக்கும்
குழந்தைகளும் வார்த்தைகளால்
ஆறுதல் சொல்ல முடியவில்லையானாலும்
அன்னர் ஆன்மா சாந்தியடைய
ஆண்டவனைப் பிரார்த்திப்போம்.

      ஓம்சாந்தி சாந்தி சாந்தி....

சின்னஞ் சிறார்கள் எம்மை
வண்ண வைரங்களா வாழ்வில்
மின்ன வைப்பதற்காய்
என்நாளும் உண்மையாய் உழைக்கும்
உன்னத தெய்வங்களாம் ஆசிரியர்களை
இன்நாளில் வாழ்த்திடுவோம்...

உள்ளத்தில் கள்ளமின்றி
நெஞ்சத்தில் வஞ்சமின்றி
பஞ்சமின்றி கல்விதனை
அள்ளி அள்ளி வழங்கியே
நல்லறிவை நமக்குட்டி
நாளைய சமூகத்துக்காய் இன்றே
உழைப்பவர்கள் ஆசிரியர்கள்...

கடமை கண்ணியம்
காட்டுப்பாட்டுடனே
கண்ணான கல்விதனை - இனிய
கணியாக எமக்களிக்கும் ஆசிரியர்களை
இன்றல்ல  என்றென்றும்
வாழ்த்தி வணங்கிடுவோம்.