எதிர்பார்ப்பு

இன்பமே எனைச் சூழ்ந்துள்ள போதிலும்
இமைவழி வழியும் கண்ணீருக்கு
இன்னும் ஒய்வில்லையே
இதுதான் என் நிலையா?

கொடுமைகள்  எதுவுமில்லை
கொடுக்கல் வாங்கள் பிசகுமில்லை
தனிமையென நானுமில்லை _ ஆனாலும்
தவிக்குதே மனசு....

விதியதன் விளையாட்டு
மனித மட்டத்தில் மட்டுமல்ல
நாட்டின் சட்டத்திலும் சூழ்ந்து
சதி செய்யுது இங்கே....

நிமிடங்களை எண்ணி எண்ணி
நீண்டநாள் காத்திருந்த உறவுகள் பயணம்
நினைவுகள் களைவதற்குள் களைந்ததால்
கண்ணீரோடு கரைகின்றது என் மனம்.

உறவுப் பாலத்தின் ஓர் தொடராய்
ஊர்பல தாண்டி வந்து
உதித்திட்ட உதய சூரியனே-  உனை
உச்சி முகர்கின்றோம்.

உறவுக்கு உரம் சேர்க்க
உன் வரவுக்காய் காத்திருந்த
உள்ளங்கள் அத்தனை பேர்
ஊதட்டிலும் பூத்தது புன்னகை.

தந்தை தாய்க்கு தலைமகனாய்
தலைமுறை தலைத்திட
தரணியிலே தடம்பதித்த
தவப்புதல்வனே  நீ......

பலகலையும்  கற்று
பாரெல்லாம் போற்றும்
பண்புகள் நிறைந்த - நல்
புதல்வனாய் திகழ வாழ்த்துகின்றோம்...

சொல்லத் தயக்கமா அல்ல- அவள்
செயலால் கலக்கமா
உள்ளத்தில் தாக்கமா எது -அவள்
ஊதட்டை தடுக்குது....

எண்ணத்தை மறைக்கலாம் - முகத்துக்கு
வண்ணமும் பூசலாம்  வாழ்க்கைச்
சின்னத்தின் உதயத்தை
என்னத்தில் மறைப்பது..

பிழை ஒன்றும் இல்லை -  இங்கே
கிளையதன் வளர்ச்சியை
விலை கொடுத்து வாங்குவதல்ல
நிலைதடுமாறாது உரம்வாய்ந்த
வேராய் இருப்பின் நீவீர்
விழுது ஏதும் தேவையில்லை...

வாழ்க்கையின் பாதையில்
நம்பிக்கையுடன் நம்பிக்கால்வைத்து
இடுக்கையை உதைப்பது
உம் கையிலுள்ளது என்றும்...

தன்நம்பிக்கையுடன்
அயாராது உழைத்து -  மனம்
தளராது வாழின்  -  உமக்கே
வாழ்க்கையின் வசந்தம்
தரனியில் என்நாளும்.....

தெரியதா  மொழி
அறியதா மனிதர்-ஆனாலும்
மரியாதை அதிகம் ஆதலால்
புரியதா பலதையும்
புரிந்து கொள்ள முயற்ச்சிக்கிறேன்...

பட்டங்கள் பலபெற்று
பதவிகள் பல வகித்தாலும்
சட்டங்கள் எமங்கு
சார்பாக இருந்தாலும்-வாழ்க்கை
கட்டங்கள் பலதாண்டி
கடமையை சரியாக செய்ய
தெரியதா மொழியைத்
தெரிந்து கொள்ள முயற்ச்சிக்கிறேன்...

சுற்றுகின்ற பூமியிலே
சுமை நிறைந்ததல்ல வாழ்க்கை
சற்று நின்று சிந்தித்து செயற்பாட்டால்-அதன்
பசுமைதனை நாமும்
கற்றுக் கொள்ளலாம் என்பதனால்
நானும் முயற்ச்சிக்கின்றேன்.

விழிகளில் விழுந்து
மூச்சினில் கலந்து
மனதினில் தவழ்ந்து
இதயத்தில் இடம் பிடித்து
காதலால் ஆட்சி செய்யும்
உன் இராச்சியத்தில் -என்றும்
நான் இளவரசியே...

காதல் எனும் தேர்வெழுதி
கடமைதனை ஏற்ப்பதற்காய்
தடம் பதித்திட்ட தேசம் வாழ்
காதலரே கேளீர்...

கண் காணும் சில காட்சிகளோ
பிறர் சூழ்ச்சிகளோ -இன்றி
நல்  மனச்சாட்சியோடு ஓன்றி
இல் ஆட்சியை நடத்தின் -உம்
காதல் இராச்சியத்தில்
தரணியும் இணையும்.